扯眼角涉侮辱中國人 拿維斯公開道歉

作者:Christal    發表日期:2017-06-04 01:02:02

前巴黎聖日耳門、拿玻里、阿根廷國家隊球星拿維斯,目前正效力中超華夏辛福,勁賺比C朗同美斯更高周薪。但近日一張「扯眼角」照片,就令拿維斯於國內引起公憤,佢呢個眼睛細小嘅表情,被指係侮辱中國人,唔少網民甚至傳媒,都話拿維斯係有意辱華,希望華夏幸福將佢趕出中國。拿維斯即刻公開道歉,表明絕無辱華意圖,並應承未來會好好留意自己言行。

被傳目前搵緊49萬3千鎊周薪嘅拿維斯,就因為一張相而闖禍。相入面佢笑口噬噬,用雙手將眼皮拉長,令眼睛變得勁細。而呢個「Pulling your eyes back」嘅姿勢,喺國外係有嘲笑中國人及亞洲人眼睛細小嘅意思。兩日前,一名於天空體育公作嘅記者向外公開發布呢張相,即時引起國內網民及傳媒不滿,話拿維斯依家賺緊中國人錢,但竟然種族歧視、公然侮辱中國人,就係呢個不敬態度,其球會華夏幸福就應該將佢炒魷。

拿維斯其後同華夏幸福,作出公開聲明回應事件,拿維斯話呢張相,係應中超公司要求,為中超新賽季影嘅官方造型照;佢當時係應拍攝者要求,做一啲較為輕鬆、搞鬼嘅表情,絕對冇侮辱中國人嘅意思。另外佢表明,去到中超搵食令佢好開心,無論隊友,抑或身邊每一個中國人,都對佢非常友善,令佢感覺到愛嘅存在。佢話為呢張相片令中國人帶來困擾「深感歉意」,並承諾未來會「引以為戒」。

東網體育同你追實體壇每個精彩時刻! 
http://bit.ly/2ecTF2A 


本文来源:http://hk.on.cc/hk/bkn/cnt/sport/20170515/bkn-20170515192035315-0515_00882_001.html

本文固定鏈接: http://www.motocyclebike.com/12854.html
轉載請注明:Christal 2017-06-04 01:02:02 于 MOCO時尚資訊 發表

上一篇: :下一篇
返回頂部